Այսօր, երբ Բագրատ արքեպիսկոպոս Գալստանյանը դուրս եկավ Շենգավիթի առաջին ատյանի քրեական դատարանի շենքից, դատարանի բակում նրան սպասում էին հավաքված հանգանակողներ։
Դատարանի որոշմամբ, «Սրբազան պայքար» շարժման առաջնորդի խափանման միջոցը փոխվել է՝ տնային կալանքի։
Հիշեցնենք, որ Բագրատ արքեպիսկոպոս Գալստանյանը կալանավորվել էր 2025 թվականի հունիսից։ ՀՀ քննչական կոմիտեի տվյալներով՝ «Սրբազան պայքար» շարժման մասնակիցներն ու ղեկավարները մեղադրվում են Հայաստանում ահաբեկչական և իշխանությունը զավթելուն ուղղված գործողություններ պլանավորելու մեջ։
Դատարանի որոշմամբ Բագրատ արքեպիսկոպոս Գալստանյանին արգելվում է շփվել «Սրբազան պայքար» գործով անցնող մյուս մեղադրյալների հետ։ Նա խափանման միջոցը կկրի Երևան քաղաքի Արաբկիր վարչական շրջանի Քանաքեռ ՀԷԿ-ի 8-րդ շենքի 20-րդ բնակարանում։ Դատից անմիջապես հետո նրան տեղափոխեցին նշված հասցե։
Փաստաբան Հովհաննես Խուդոյանը հայտնեց, որ իրենց թիմը սրբազանի խնդրանքով և հանձնառությամբ կբողոքարկի նաև Վերաքննիչ դատական ակտը։ «Մենք վստահ ենք, որ առհասարակ որևէ սահմանափակում պետք է չլինի»,– նշեց փաստաբանը։
Դատարանի բակում հրաժեշտ տալուց առաջ Բագրատ սրբազանը հանգանակողներին ասաց․ «Ամսի 7-ին հեռացրեք այս չարիքը մեր երկրից»։
