ՀՀ վարչապետ Նիկոլ Փաշինյանը կառավարության նիստից հետո կայացած մամուլի ասուզումում հերթական անգամ շեշտեց խաղաղության պահպանման կարևորությունը՝ խուսափելով ուղղակիորեն անդրադառնալ Մարդու իրավունքների եվրոպական դատարանի (ՄԻԵԴ) վերջին վճռին, որով 2016թ-ի ապրիլյան պատերազմում զոհված հայ զինծառայող Հայկ Թորոյանի գործով արձանագրվել է Ադրբեջանի կողմից կյանքի իրավունքի խախտումը։
Լրագրողների կողմից հարց տրվեց, թե արդյոք պաշտոնական Երևանը պատրաստվում է պետական մակարդակով հետամուտ լինել և իրավական պատասխանատվության կանչել պատերազմական հանցագործներին՝ հաշվի առնելով միջազգային ատյանների կողմից հաստատված փաստերը։
Վարչապետի պատասխանը կենտրոնացած էր խաղաղության պայմանավորվածության վրա։ «Խաղաղություն է հաստատված, ու պետք է դրա նկատմամբ հոգ տանել, հակառակ դեպքում այդ խաղաղությունը կարելի է շատ հեշտությամբ ջախջախել և վերացնել, որի արդյունքում մենք կունենանք այլ բազմաթիվ դեպքեր, որոնք, ենթադրում եմ, Ադրբեջանն էլ կունենա, ստիպված կլինենք միջազգային ատյաններում հետամուտ լինել»,- նշեց նա։
Վարչապետը նաև հավելեց, որ միջազգային իրավական ինստիտուտների աշխատանքը նորմալ գործընթաց է, և դա չի փոխում պաշտոնական Երևանի գնահատականը։
Այնուհետև նա հակասելով լրագրողների մեկ այլ հարցին՝ հայտարարեց, որ երբևէ Հայաստանի և Ադրբեջանի գործողությունների միջև հավասարության նշան չի դրել։ Նա այս հայտարարությունը վերագրեց «Ուժեղ Հայաստանի» կուսակցության առաջնորդ Սամվել Կարապետյանին։
Վերջում խոսակցության ընթացքում ծագած հարցերի շարքում էին նաև Ադրբեջանում շարունակվող հռետորաբանությունը և «Արևմտյան Ադրբեջան» վերադարձի թեմայով խոսույթները։ Փաշինյանը նրան անվանեց «հայելային իրավիճակ»՝ նշելով, որ ինչքան Հայաստանում շարունակեն խոսել ղարաբաղյան շարժումը շարունակելու մասին, այնքան էլ ի պատասխան Ադրբեջանում նմանատիպ խոսույթներ են շարունակվելու։
